VI. Limited Physical Properties of My Sculptures VII. Yng Cotchi Cung Mitsubishi VIII. Pate kareng Teritoryu IX. West Philippine Sea X. Yng estatua kung Tsina ampo pa ing Rusya VI. Limited Physical Properties of My Sculptures Peka-materialis cu kareng estatwa cu, Kabling bakal, Ampopang alambri, Gawamit cung Tansu, Aluminyu, Pundidung bakal, Ampopang Aseru. Potang kayi- Pinturan kula, Biyayan cula! Gamitanan kulang pinturang pang-Saken, Elamu basta pangkilub bale, Maliari lamu rin- Aldo't Uranan, Queng kilwal bale. Manibat angyang mica-Internet keni kekami, Karin cu aisip na- Alang permanenti tagana. Bisa cu't e Bisa, Reng estatwa ku, Mamilang cung mapilang dinalan a banua- Manga-disporma la, Kumupas la pintura. Lalu na nung pakyalaman dala – Panyaldak dala, Brusku dalang panalnan. VII. Yng Cotchi Cung Mitsubishi Kwanan ku ne ing kanakung estatua, Ini napa ing gamitan kung panakut kung obra, Ing canakung Mitsubishi GLXI, Model 1990 ya, Sariwa ya pa makina, Lampas 90,000 kilometru ya pa ing pilayan na. Mas makaba ya pa pilayan ing kekaming 2015 a Mazda. Basta gawang Hapon bilib cu, Alang duda, Quality la gawa. Kalupa da reng sasalwan kung nanu-nau king Japanese Surplus, Wa! Basura nala karela. Pero kekatamung Pilipinu alila, Quality la pa murin andyang luma la, Paniglon tala. Yng kontchi kung Mitsubishi, Bilib ku king makina na, Balang sasakeng ke, Manimadjin kung makasake king Jet Fighter. Pwera kareng kotchi, Sikat ya mu rin ing Hapon kareng eroplanu dang Mitsubishi. VIII. Pate kareng Teritoryu Mag Marsu na pala, Osimap mika-oras nakung kwanan ke ing kanakung estatua keng Tramu San Fernandu. Manga-paisip kumu, O bat mika- koneksyun la keng gyera reng a-iisip cu. Pauli siguru kareng ayayalben kung diskursu ampopang balitakeng Internet, Halus paksa makapa-tungkul kareng kada National security da- Kada Bangsa. Ali naman mismung Gyera ing isipan cu, Geopolitics ampopang amanu daring kada alben ku. IX. West Philippine Sea Aganaka ko reng aliwa kung gewa a makapa-tungkul keng panga-aliporis cu queng Kalalangan, Memag-public installation kung mapilan, patungkul keng Teritoryu tamu, keng West Philippine Sea. Meg-public Art Installation ku, Makapa-tungkul la kareng isla keng South China Sea- a tutu naming parti nala ning Bangsa tamung Pilipinas. Ginawa ku muring balamu bandera na ning Tsina, kaibat pepasilab ke king kabanda ku, kabang tutugtug kami banda keng Siudad Olongapu. Para kanaku agagampanan ku ing responsibilidad ku para apabaluan kula reng manakit kareng obra ku a eku buri ing gagauan naming Tsina, Kukwa yang teritoryu a enaman karela. X. Yng estatua kung Tsina ampo pa ing Rusya Uyni, Ikwa kune ing kanakung obra. Anyang disan ke king Museu, Makasapin ya kareng pala-pala- Sapak yang dinat ampopang alikabuk. Kalupa daring aliwa kung estatwang gagawan- Matibe la uning gawaa la king bakal, Ampopang pakabalut laking patung-patung a pinturang pang saken. Kalupa daring aliwa kung estatua, Normal lamung midinan alikabuk, Basan kula mung danum, Kaibat palangian mibabalik la postura.

Chopsuey version NAMBER TU Alas 8:19 na ning bengi- Dininan ku lang dice-dice a carrot.. Ampong sayoti, -reng adwa ming seseng malasian box turtles. Pengan da naman- Siyempre, Omnivorous la reng pau. Nanu-nanu na ing pepakan ku karela- Pindang damulag.. Strawberry.. pindang babi, manuk- miyaliwa-liwang style a lutu. Asan danum- -Sagiwa, miyaliwa-liwang style a lutu. Asan dagat- -Sagiwa, miyaliwa-liwang style a lutu. GULE- MIYALIWA-LIWANG KASI- NATIVE AMPOPANGIMPORTED, ORGANIC AMPOPANG GMO. PRUTAS- MIYALIWA-LIWANG MU RING KASI- NATIVE AMPOPANG IMPORTED, ORGANIC AMPOPANG GMO. Insektu- Kamaru, Ipas, Kuremut.. AMPOPANG NANU-NANU PANG KLASING INSEKTUNG AKAKALAP KU KILWAL- BABAGWA, SALAGINTU, LAIPAN, TREN-TRENAN.. DURUN, TULANG... APOPANG NANU-NANU PA. POST –ALMUSAL /BRUNCH Talibatab Chronicles No. 070719-10:01am Makabawu kung manyaman a asan danum- Pipritung bangus. A pakabalut king cornstarch. Ala na kung pakialam nung nukarin ya pa menibat… Ala na kung pakialam nun nukarin ya plasdan meragul. Ing balu ku namu ngeni- Paratang ne.. Saktu- Daratang ne ing danup ku. Saktu- Ikwa ku ring mipawas a normal. Saktu- Penamdaman ke ing pagal katawan. Saktu- Aliwang pamangan naman. 10:27AM …Asne kanyaman ing pritung iki- Iki na ning bangus  Dapot- ..mebitin ku rugu, Atin ya pang daya libutad. Uyta- Pepagbalikan ke king kawali. Bangkanta ma-tusta ya. 10:52am Lugud ng Kumander + Tustadung iki ampopang atchan ning bangus + 2 kutcharitang Aslam [Rose cane vinegar] + 1 malutung lara + .5 kutcharitang gisang baguk+ 1 tasang Nasi+ = Manyaman dapot makasuyang bagya Manyaman/Makasuyang bagya + Lugud ng Kumander (2) + 2 pritung ebun+ 1 kamatis + =Manyaman… Milako na ing suya.. Ayos! Soya! 2:09 ning gatpanapun Kapitulu 1 Ing pusang malarit Tantya ku, Atin ng milabas anam a bulan, Ating pusang babaing makulit, Balang maglutu ku- Tanud-tanud ya keng kilwal pasbul, Manyad yang pamangan. Eke man sikasu anyang mumuna, Uning balu ku nung pakanan ke- Lumo ya, Ampopang pota ene mako- A-ugalian na na kasing tatakla- ….ampong mimimi keng arap ning kweba mi- anyang kapitna ya pa maka simentu. Melunus ku murin bandang tauli- Aaahhh… Ampopang … In tutu nita sasawa naku keng lulutu ku, Nung ala yu I kumander… Ating tagan-tagan. Tutu pala ing kesabyan da reng mangatwa- Na makasawa mu rin ing lutu na ning metung a tau. Aliwa ku kasu- Sinawa ku keng sarili kung lutu. Uyta.. Keng malaguang amanu- papakanan ku ne mu rin. Panaka-naka… Papatad-patad.. Eke buring lumo. Mumuna- Tagan-tagan mu dapot, Anyang kelambatan- Didinan ku ne mu rin bayung pamangan. Kapitulu II Mumunang buktut na ning malarit a pusa.

Talibatab chronicles NO. 06072019 01:57pm Chopsuey version NAMBER ZIRO DICE-DICE A CARROT… Ampopang sayoti… …CHINESE PECHAY, AMPOPANG SAMPAGANG “CAULIFLOWER”. ATIN YANG muring MARAKAL A PAYUNG-PAYUNGAn, ASNA KANYAMAN . Meng-gisa- Metipid mu… Siguru (?) king bawang… Ampopa king sibuyas. Mate la man ngan ding siping kung bale, Ala ku mang abawung megisang gule. Dapot manyaman, Malyari na. Map king ala kung paugtuan.. Kanan. Osimap.. Kayantabe ke I mang Miguel, Mamangan.. Ampopang miminum. Me-kumpletu ne ing kapitnang aldo

Pintalan ke i Miguel Pineda, Kalupa cung eskultor keti San Fernando, Pinwalan keng litratu, kabang kakawa yang obra, mig-document cu- Gamit ke ing Samsung A22 kung smartphone- Digital photografi! Ua! Instant digital art mu rin, foto, GIF ampopang video editing namurin, Mekarakal ku- Ua! Pwera kareng inisketch cu ampapang sinulat ku.